Ginhamyang na sa subong ang patay nga lawas ni Late Former Koronadal City Mayor Eliordo Ogena sa City Hall Lobby sang syudad.
Ginhimo ini nga public viewing agud nga makita sang mga nagapalangga sa anay amay sang syudad kag bug-os man nga Koronadaleños kag South Cotabateños nga luyag makita ini sa uli nga tion antes ini nga ilubong.
Nag umpisa kahapon sang aga ang nasambit nga public viewing sa diin halin sa Renaissance Chapel gindala ini sa City Hall Lobby.
Gintalana naman sang City Government ang schedule sang nasambit nga public viewing sa mga barangay sang syudad sa diin :
March 18 amu ang schedule sang Barangay Zone 1, Zone 2, Morales, Avanceña, Concepcion, Magsaysay, New Pangasinan, San Roque, Saravia.
Marso 19 naman amu ang Barangay Zone 3, GPS, Caloocan, Carpenter Hill, Esperanza, Mambucal, Paraiso, San Jose, kag Sto. Niño.
Kag Marso 20 naman ang Barangay Zone 4, Sta. Cruz, Cacub, Assumption, Mabini, Namnama, Rotonda, San Isidro kag Topland.
Natalana naman nga igadul-ong ang nagtaliwan nga alkalde sa ulihi sini nga palahuwayan sa adlaw sang Sabado Marso 21 2026 sa Golden Valley Memorial Garden takna alas-10 sang aga.
Gindumdum naman ni Incumbent Koronadal City Mayor Erlinda Bing Pabi Araquil ang pag upod nila sang nagtaliwan nga alkalde sa patag sang Pulitika sa Koronadal.
Ginpasiguro naman sini nga ipadayon ang naumpisan ni Mayor Ogena nga mga programa kag proyekto para sa syudad sang Koronadal
