Ginakabig sang Department of the Interior and Local Government (DILG) nga generally peaceful ang una nga adlaw sang rally nga gin-organisa sang Iglesia Ni Cristo (INC).
Ginsiling ni Interior Secretary Jonvic Remulla nga napreparahan na sang gobyerno ang nasambit nga tatlo ka adlaw nga rally kaupod sang bisan ano nga destabilizers.
Kaupod sang tiglikom nga nagbisita sa pila ka mga lugar sa diin nagtililipon sila Philippine National Police (PNP) chief Lieutenant General Jose Melencio Nartatez Jr. kag National Capital Region Police Office (NCRPO) director Major General Anthony Aberin.
Dugang pa sini, gintuman sang INC ang ila ginpahayag nga isa ka malinong nga hublag protesta.
Ginpasiguro man sang tiglikom nga indi magbag-p ang ginpatuman nila nga seguridad sa ikaduha tubtob ikatatlo nga adlaw sang rally.
Madumduman naglab-ot sa 650,000 ka mga katawo ang ang nagpartisipar sa una nga adlaw sang hublag protesta sa Quirino GrandStand.
