Magasapol ang United Nations Security Council agud hinalaan ang ginhimo nga pag atake sang Russia sa isa ka children’s hospital sa Kyiv.
Suno sa report, ginpalukpan sang missile sang Russia ang amo nga ospital kadungan man sang pagpaulan sang bomba sa iban pa nga mga siudad sang Ukraine. 36 ka mga sibilyan ang napatay kag ginakabig isa na sa pinakamakamamatay nga serye sang air strikes sa nakaligad nga bulan.
Ginkondenar naman ni U.N. Secretary-General Antonio Guterres ang ginhimo sang Russia.
Ang pag atake sa mga sibilyan kag civilian objects ang ginadumilian sa idalom sang International Humanitarian Law. Ang kapareho nga pag atake ang kinahanglan matapna suno pa sa opisyal.
Nahibaluan nga ang Security Council meeting ang ginhingyo sang Britain, France, Ecuador, Slovenia kag Estados Unidos.
