KORONADAL CITY– Pagapasakaan na sang kaso nga paglapas sa RA 9165 o Comprehensive Dangerous Drugs Act of 2002 ang isa ka himata ukon myembro sang political family sa probinsya sang Sultan Kudarat makaligad ang ginpatigayon nga search warrant implementation sa pagpanguna ni Philippine Drug Enforcement Agency o PDEA 12 batuk kay Boumedine Publico Mangelen alyas Bossing, isa ka Government employee sa Sultan Kudarat 41 anyos kag residente sang Tacurong City, Sultan Kudarat apang temporaryo nga naga istar sa Koronadal.
Sa ekslusibo nga interbyu sang Bombo Radyo Koronadal kay brgy. GPS kagawad Danilo Delos Santos,madugay na suno pa ini nga gina-monitor bangud sa pagduso sang ginadumilian nga droga kun sa diin sa ginpatigayon nga operasyon narekober ang mga drug paraphernalia kag traces sang shabu.
Nahibaluan nga ang suspek ang uamgad suno pa ni Sultan Kudarat Governor Pax Mangudadatu kag pakaisa naman ni Columbio, Sultan Kudarat Mayor Amirh Musali.
Ang suspek ang may balatian man nga colon cancer kun sa diin suno sa bata sini, wala suno pa sila nagkulang sa pagpahanumdum sa ila amay nga untaton na ang iya nga bisyo nga iligal nga droga kag pagpanginbabayi.
Sa subong ang suspek ang nagapabilin sa kustodiya sang mga otoridad kag ginpaidalom naman sa imbestigasyon.
