Naghingyo sang bulig si Ukraine President Volodomyr Zelensky kay Pangulong Ferdinand Marcos Jr., nga magpadala sang mga mental health workers sa ila nga pungsod.
Sa Bilateral meeting nanday Pangulong Marcos kag Zelensky sa Palasyo sang Malacanang, ginpahayag sang Ukrainian President nga nagakinahanglan sila sang mental health workers para sa ila nga mga suldado kag defenders nga yara sa forefront sang krisis.
Tinutuyo sini nga mabuligan ang mental health sang mga ini.
Sa bahin naman ni Pangulong Ferdinand Marcos Jr., ginpahayag sini sa Ukrainian leader nga nakahanda ang Pilipinas nga magbulig paagi sa pagpadala sang mga Filipino mental health workers.
Dugang pa sang Presidente ang Pilipinas ang kilala sa healthcare paagi sa paghatag sang bulig nga kabahin sang commitment sini sa United Nations (UN) for the peacekeeping process.
Sandig sa report, sang tuig 2022 ang Ukraine ang ika-90th trading partner sang Pilipinas, pang 119th sa export market kag pang 76th sa import source.
Ang kabug-usan nga trading sa tunga sang duha ka pungsod ang nagalab-ot sa USD16.9 million.
Ang Ukraine ang nagaserbe nga ikaduha nga puluy-an sang yara sa 200 Pinoy apang nagnubo ini sa 25 kun diin ang kadam-an ang nakapamana sang Ukrainian nationals.
