-- ADVERTISEMENT --

Magapadala ang Ukraine sang ila representante sa Estados Unidos sa masunod nga mga adlaw agud talakayon ang ginahingyo nga mineral deal sang White House.

Suno kay Deputy Prime Minister Yulia Svyrydenko, may yara sang grupo halin sa ila gobyerno nga magabiyahe padulong US agud maduso ang kasugtanan.

Ang nasambit nga mineral deal ang ginproponer ni US President Donald Trump bilang isa ka lakang para sa posible nga madugay nga ceasefire sa tunga sang Ukraine kag Russia.

Antes sini, gin-akusar sang Ukraine ang Russia nga nagapangita sang rason agud indi madayon ang mga kasugtanan.

Ginpromisa man ni Trump sang nagapangampanya pa siya nga iya tapuson ang giyera sa tunga sang Russia kag Ukraine.