-- ADVERTISEMENT --
Nagpagwa sang advisory ang gobyerno sang United Kingdom sa ila mga pumuluyo nga likawan ang pagbiyahe sa Israel.
Ini ang kasunod sang nagapadayon nga tensyon kag balusanay sang rockets sa tunga sang Israel kag Iran.
Suno sa Foreign, Commonwealth and Development Office, nagatuga na sang mas grabe nga tensyon ang sitwasyon sa tunga sang duha ka pungsod kag posible pa ini maglawig.
Ginpahanumdom nila ang ila mga pumuluyo nga yara na sa Israel nga sundon ang tanan nga mando sang gobyerno agud sa ila kaluwasan.
Gindumilian man nila ang ila mga pumuluyo nga indi magbiyahe pa-Israel kag Iran bangud sa gyera.
