Ginabanta yara sa P3,225,000 ang danyos sang sunog sa isa ka two-story residential house sa Triniville Block 3, Brgy. Zone IV, Siyudad sang Koronadal.
Ini ang nangin pahayag ni FO2 Jan Zohr Greal Navor – Fire Arson Investigator sang Bureau of Fire Protection Koronadal, sa interview sang Bombo Radyo Koronadal.
Suno kay FO2 Navor, nakabaton sila sang tawag pasado alas 6:45 pm sang gab-i bahin sa sunog, nga ila gilayon nga ginrespondehan.
Sang pag-abot nila sa lugar, madako na ang sunog kag yara na ini sa fully developed stage.
Ginhimo nila ang tanan nga aksyon kag nadeklara ang fire-out pasado alas 7:10 pm sang gab-i.
Dugang niya pa, may mga gamit man nga nasalbar, bangod ang sunog nagluntad sa 2nd floor sang panimalay.
Base naman sa Bureau of Fire Protection Operations Procedures Manual, ginabanta yara sa P3,225,000 ang danyos sang sunog.//Sa karon, padayon ang ila imbestigasyon angot sa ginhalinan sang sunog.
