Ginkadismaya ni House Deputy Majority Leader kag ACT-CIS Party-list Rep. Erwin Tulfo ang mga reklamo sa iya talatapan nga wala napanagtag sang mga lokal nga panguluhan ang P1,000 nga allowance sang mga solo parents.
Nahibaluan ni Tulfo nga may iban nga mga manggaranon nga syudad sa National Capital Region nga P500 lang kag every other month pa ang ginahatag nga allowance para sa solo parents.
Suno kay Tulfo, mahangpan niya kon indi makahatag sang bulanan nga subsidiya sa solo parents ang mga magagmay kag imol nga banwa ukon ang mga 4th ukon 6th class municipalities.
Apang pahayag ni Tulfo, indi dapat mapaslawan diri ang mga manggaranon nga syudad ukon banwa.
Angut sini, liwat nga ginpahanumdom ni Tulfo nga sa idalom sang Expanded Solo Parent Welfare Act of 2022 ukon Republic Act 11861, dapat nga bulanan nga ginahatag sang mga local government units ang ₱1,000 nga subsidiya sa mga low income solo parents.
