Nagapati subong ang Trade Union Congress of the Philippines (TUCP) nga maipasa sa 19th congress ang P200 nga dugang sa sweldo antes mag-adjourn sa masunod nga semana.
Sa eksklusibong interview sang Bombo Radyo kay Carlos Miguel Oñate, Spokesperson kag Legislative Officer sang TUCP, ginpahayag sini nga ila ginkalipay kag ginaselebrar ang historic nga P200 nga wage increase.
Ginpahayag pa ni Oñate nga wala pa nila ginahuna-huna ang worst-case scenario nga magbalik sa zero kung magahulat pa sa 20th Congress.
May ara pa nga 3 ka session days sa masunod nga semana antes matapos ang 19th congress.
Suno sa iya, ini ang first ever legislated wage hike halin pa sang 1989 gani sayang gid kon magabalik na naman sa umpisa.
Ginmention pa ni Oñate nga nakapasa na ang Senado sang ila bersyon nga ₱100 wage increase, gani ang iya panawagan amo ang magpatawag sang bicameral conference committee agud tapuson ang ila mga bersyon sang panukala nga dugang sweldo.
Panawagan man sini sa administrasyon nga wala sing rason nga indi ini pirmahan para magtul-id nga magin balaud, kay kun gusto, may ara gid nga paagi.
Dugang pa sini nga base man sa ila pagtuon, amo ini ang kinahanglanon para makuha ang 5 million nga minimum wage earners halin sa kapigaduhon.
