Dako na nga bulig ang 5,000 pesos nga fuel subsidy sa tanan nga mga trisycle driiver sa syudad sang Koronadal.
Ini ang nangin pahayag ni Julian Abaga Jr., Tricycle Driver sa interview sang Bombo Radyo Koronadala.
Suno kay Abaga, nagapasalamat siya bangud sa nabaton nga 5, 000 pesos nga fuel subsidy sa diin madamo na ini pwede mabagal sang kinahanglanon sang pamilya.
Dugang pa kay Abaga, para sa iya importante nga mauna niya mabutanga sang gasolina ang iya nga trysikol agud magpadayon sa pagpamasada apisar nga yara naga atubang sa dako nga Krisis.
Gindugang pa ni Abaga, wala nangin problema ang iya pagkuha sang cash fuel subsidy bangud kompleto siya pareho sang prankisa kag lisensya sa diin madasig nalang siya nakakuha sang kwarta.
Nagpanawagan naman si Abaga sa pareho niya nga mga trysicle drivers, nga mangin mabakod para sa pamilya kag magpasalamat sa nabaton nga fuel subsidy bangud sa dako na ini nga bulig.
