Ginpahayag ni US President Donald Trump nga mahimo niya punggan ang pagbukas sang Gordie Howe International Bridge, nga nagaangot sa Detroit, Michigan, kag Windsor, Ontario kon indi makakuha ang US sang nagakaigo nga compensation gikan sa Canada.
Ang nasambit nga taytay na ginapondohan sang Canada ginalauman nga mabuksan sa 2026.
Mahimo ini nga mangin isa ka yabi nga ruta sang negosyo sa tunga sang duha ka pungsod.
Ginpakamalaut ni Trump ang Canada sa pagpanag-iya sang taytay kag sa indi paggamit sang dugang nga mga materyales gikan sa U.S.
Sa pihak nga bahin, nagpahayag ang mga opisyales sang Canada nga kinahanglanon ang taytay para sa negosyo, kag mahimo nga magtuga sang mga problema para sa mga pabrika kag transportasyon kon ma-delay ang pagpatapos sini.
Suno sa mga eksperto, ang pamahog ni Trump mahimo man makaapekto sa mas malapad nga pagbinaisay sa negosyo sa tunga sang U.S., Canada, kag Mexico.
Samtang, wala pa sang kumpirmado nga aksyon gikan sa mga opisyal sang Estados Unidos angut sa pahayag ni Trump.
