Napaandam si US President-elect Donald Trump sang pagbawi sa kontrol sa Panama Canal.
Gin-akusaran ni Trump ang Panama sang pagpaton sang masobra nga bayad sa paggamit sang nasambit nga alagyan nga nagahatag sang alagyan sa mga barko nga maga-agi sa tunga sa pasipiko kag Atlantic Oceans.
Dugang niya pa nga indi pabay-an nga mapasakamot sang mali nga tao ang Panama canal kag nagbabala ini batok sa posible nga impluwensiya sang China sa nasambit nga passage kun sa diin ginpahayag niya nga indi dapat mapaidalom ini sa kamo sang China.
Una na diri, madako nga parte sang canal ang ginpatindog sang Amerika kag ginkaptan ang teritoryo sa palibot sang nasambit nga alagyan sang pila na ka dekada.
Apang sang tuig 1977, nagpirma ang Amerika kag Panama sa isa ka kasugtanan nga nagahatag sang pagbalik control sa Panama.
Ginhatag sang US ang control sa nasambit nga canal sa Panama sang tuig 1999.
