Ginmanduan na suno pa ni US President Donald Trump ang iya mga advisers nga bombahon ang Iran kun mapatay ini.
Sa isa ka interbyu, nagsiling si Trump nga kun may matabo sa iya, dapat suno pa nga bombahon ang Iran sa isa ka lebel sang pag-atake nga wala pa sini naagum.
Madumduman nga sang Pebrero 2025, nauna na man nga nagpahayag si Trump nga “madula” ang Iran kun siya pagapatyon.
Bisan ginpanginwala niya ang mga report nga may bag-o nga plano ang Iran nga ipapatay siya, ginpahayag ni Trump nga dugay na siya nga isa sa mga panguna nga target sang Tehran.
Madumduman man nga nagpanugyan ang Iran nga magabawos kay Trump matapos niya ginmanduan ang drone strike sang 2020 nga nagresulta sa pagkapatay ni Qassem Soleimani, anay kumander sang Quds Force sang Iran.
