-- ADVERTISEMENT --
Gindepensahan ni US President Donald Trump ang iya desisyon nga magpadala sang National Guard sa Los Angeles.
Suno kay Trump, wala sang pulos sanday California Governor Gavin Newsom kag LA Mayor Karen Bass tungod indi nila makontrol ang mga tawo.
Nagpanindugan si Mayor Bass nga naglain lang ang sitwasyon sang ginhimo ang immigration raids, nga wala sang klaro nga proseso, rason sang malapnagon nga protesta.
Naglab-ot sa 100 ka tawo ang nadakpan sang kapulisan sa Los Angeles bangud sa pagpanguba sang mga government buildings.
Desidido man si Gov. Newsom nga kasuhan si Trump sa pagpadala sang National Guard nga wala sang pahibalo sa ila.
