Lalong umiigting ang tensyon sa Gitnang Silangan matapos magbabala si Donald Trump na maaari nitong wasakin ang pinakamalaking gas field ng Iran kung hindi titigil ang bansa sa pag-atake sa mga energy facility ng Qatar.
Nag-ugat ito sa sunod-sunod na pag-atake ng Iran sa mga oil at gas site sa Gulf region, kabilang ang malaking Ras Laffan LNG facility ng Qatar, bilang tugon sa naunang pag-atake ng Israel sa South Pars gas field ng Iran.
Dahil sa palitan ng missile attacks, tumaas ng humigit-kumulang 5% ang presyo ng langis sa pandaigdigang merkado, ayon sa mga ulat—isang senyales ng lumalaking pangamba sa posibleng pagkaantala ng suplay ng enerhiya.
Nagdulot din ito ng pag-aalala sa global supply chain, lalo na’t naapektuhan ang pagdaan ng mga oil tanker sa Strait of Hormuz, na dinaraanan ng malaking bahagi ng suplay ng langis sa buong mundo.
