Kasunod ng patuloy na tensyon sa Gitnang Silangan, nagbigay ng babala si President Donald Trump na maaaring magtagal ng higit sa isang buwan ang military campaign laban sa Iran.
Habang nagpapatuloy ang mga airstrikes ng Israel sa Lebanon, pati na ang mga oil facilities ng Iran sa Gulf countries, ang Iran naman ay nagsasagawa ng mga drone at missile attacks sa mga US military bases sa rehiyon.
Sabi ni Trump, bagamat ang kanilang operasyon, na tinawag na “Operation Epic Fury,” ay inaasahang tatagal ng apat hanggang limang linggo, ipinahayag niyang may posibilidad pa itong lumawig.
Binanggit din ni Trump na ang layunin ng operasyon ay upang wasakin ang missile at nuclear capabilities ng Iran.
Samantala, nagpahayag ng mga hakbang ang US State Department upang tiyakin ang kaligtasan ng mga mamamayan nito sa Middle East.
Ipinag-utos nilang mag-evacuate ang mga mamamayan sa mga apektadong bansa gamit ang commercial transport. Kasama sa mga bansang binanggit na apektado ng alerto ang Bahrain, Egypt, Iran, Iraq, Israel, Palestinian territories, Jordan, Kuwait, Lebanon, Oman, Qatar, Saudi Arabia, Syria, United Arab Emirates, at Yemen.
