Liwat nga nanawagan si US President Donald Trump kay Russian President Vladimir Putin kag Ukrainian President Volodymyr Zelensky nga ipadayon ang ila pag-istoryahanay.
Ginpahayag niya nga posible nga matabo ang diskusyon bisan pa nga wala siya ukon indi siya magatambong.
Aminado man si US President nga mabudlay maresolba ang inaway sang duha ka pungsod bangud wala nagapakita si Putin sang interes nga tapuson ang gyera.
Pagahulaton nila ang sabat sang Russian President, kag kon magpabilin nga negatibo sang sabat sini, posible siya mag-atubang sang mabudlay nga sitwasyon.
Wala ginpahayag ni Trump kon ano ang mahimo nga matabo sa Russia kon indi ini magpakita sang kooperasyon.
Una na nga nagpahayag si Putin nga bukas siya sa direkta nga pagpakig-istorya sa presidente sang Ukraine, apang matapos sang pila ka adlaw, ginbawi ini nga pahayag ni Russian Foreign Minister Sergei Lavrov.
