Nangin mainit ang kampanya nanday Democratic candidate Kamala Harris kag Republican nominee Donal Trump sa nabilin nga oras bag-o ang election day sa mangin masunod nga Presidente sang US.
Bangud sa halos patas nga resulta sa mga ginpatigayon nga polls, ang magtimbang nga kampo ang naghiwat sang ila ulihi nga pagkampanya sa mga makabig ‘too-close-to-call’ swing states.
Ang anay Presidente nga si Trump ang nag-rally sa North Carolina kag Pennsylvania bag-o ang iya grand finale sa Grand Rapids, Michigan.
Samtang ginsentro naman ni Vice President Harris ang iya rally sa Pennsylvania halin sa Scarton tubtob sa Philadelphia Museum of Art kon sa diin pagaupdan sia sang mga sikat nga personalidad lakip na sanday Lady Gaga, Katy Perry kag Oprah Winfrey.
Sa karon, yara na sa masobra 80 million ka Americans ang nakaboto pinaagi sa early voting system.
