Truck kag 2 ka motorsiklo nagkarambola sa Tacurong City Sultan Kudarat, 2 patay

KORONADAL CITY- Nagapadayon ang imbestigasyon sang Tacurong City PNP sa nagluntad nga karambola sang isa ka 10-wheeler truck kag 2 ka motorsiklo sa national highway sang Tacurong City Sultan Kudarat.

Madumduman nga sa impormasyon nga ginpalab-ot ni Bombo Correspondent Arnel Palada base sa rescue team nga nagresponde sa aksidente, 2 ka mga biktima nga gindangat sa balay bululngan nga nakaangkon sang malala nga mga pilas ang nagtaliwan na nga ginapatihan nga mga sakay sang 2 ka motorsiklo kun sa diin isa sa mga natumod amuh si Benito Gragasin ng Lambayong Sultan Kudarat.

Samtang gina imbestigaran man ang driver sang nasambit nga truck kag kun sanday sin-o ang nagakadapat nga manabat sa insidente.

Sa karun nagapadayon pa ang imbestigasyon.