Nag-umpisa ang training sang atleta sa Triple Jump kag High Jump isa ka bulan antes ang toneo bilang kabahin sang preparasyon para sa City of Koronadal Athletic Association Meet 2026 sa Koronadal.
Sa interview sang Bombo Radyo Koronadal, ginpahayag ni John Raven Manlimos nga nakulbaan siya apang mas nakabatyag siya sang kalipay kag determinasyon nga magpartisipar sa torneo.
Suno sa iya, ini na ang tiyempo nga mapakita niya ang bunga sang iya pagpangabudlay kag talento sa patag sang Triple Jump kag High Jump.
Ginalauman man ni Manlimos nga malab-ot ukon malampuwasan niya ang iya personal best record kag mangin madinalag-on sa amo nga palaro.
Nagbilin man siya sang mensahe sa kasubong niya nga mga atleta nga magpabilin nga disiplinado sa training, magsalig sa ila kaugalingon, kag i-enjoy ang kada higayon sa hampang.
