Ginpanindugan ni anay Sen. Antonio Trillanes IV nga yara gihapon sa Davao City si Sen. Ronald “Bato” Dela Rosa, nga kapin isa na ka bulan nga wala na makita sa Senado.
Ini sa pihak sang una nga pahayag ni Ombudsman Jesus Crispin Remulla nga yara kuno sa Central Luzon ang senador, partikular sa probinsya sang Pampanga.
Sa interbyo sang Bombo Radyo, ginpahayag ni Trillanes nga nagapanago gihapon si Dela Rosa sa Davao, kaangay sang ginahimo kuno sang dati nga senador pila na ka semana ang nagligad.
Nagapati si Trillanes nga indi ginapanago sang mga miyembro sang unipormado nga hanay pareho sang militar ukon pulisya ang anay heneral, kundi siya lamang kag ang pinakapalapit gid sa iya ang nakahibalo sang posible nga ginhalinan ukon gina-istaran sini.
