KORONADAL CITY – Patay ang tricycle driver samtang duha ang pilason matapos na-araro sang jeep ang tricycle sa crossing Brgy. Cannery, Polomolok, South Cotabato pasado 6:15 sang aga, Enero 23.
Ginkilala ang nasambit nga biktima nga si ang nasawing biktima na si Elmer Amfit , 38 anyos kag residente sang Brgy. Magsaysay sang nasambit nga banwa ini ang nagin pahayag ni Police LtCol. Peter Pinalgan Jr. ang Chief of Police, Polomolok PNP sa interview sang bombo radyo koronadal.
Suno kay Pinalgan, naghalin pa sa Cannery Road ang jeep nga ginamaneho ni Arsenio Manoto kaupod ang pasahero sini nga si Edwin Yuba, lunsay residente sang Alabel, Sarangani Province.
Pakadto sa direksyon sang Tupi sang nadulaan sang preno ang ila ginamaneho nga jeep.
Na-araro sini ang isa ka tricycle nga ginasakyan ni Amfit kag nagpaidalom sa jeep tubtob nahulog ang duha ka salakyan sa kanal.
Gindangat sa balay bulungon ang mga ini apang ginbawian sang kabuhi si Amfit nga na-araro mismo sang nasambit nga jeep samtang pilason sila Manoto kag Yuba nga naglumpat pagwas sang jeep.
Suno sa kapulisan Mechanical error ang nagin rason sang nasambit nga aksidente
Sa karon nagapaalinton si Pinalgan nga mag halong kag ichekyar ang salakyan antes mag byahe.
