KORONADAL CITY- Hugot nga ginabantayan subong sang mga otoridad sa Brgy. Tablu sa banwa sang Tampakan, South Cotabato ang posibilidad sang pag-ibwal sang tribal war sa 2 ka pamilya sa nasambit nga banwa.
Madumduman nga sini nga nakaligad nga adlaw sang myerkules, nakaangkon sang pinatyanay sa nasambit nga barangay makaligad ang inid paghangpanay sa operasyon sa iligal banlas ukon illegal mining kun sa diin una nga naluthang patay ni Roger Tacuyan si Rodil Puli nga nagresulta man sa brutal nga pagpanimalos sang pamilya Puli pinaagi sa pagratrat sa lawas sang utod ni Roger nga si Joseph Tacuyan usar ang M16 rifle kag Cal. 45.
Sa ekslusibo nga interbyu sang Bombo Radyo Koronadal kay Brgy. Tablu Tampakan, IMPR Vicente Gatuslao , ila ginmando ang hugot nga monitoring sa 2 ka pamilya kag sa ginasiling nga mga armado nga nagapreparar suno pa sa tribal war.
Suno kay Gatuslao, kinahanglan suno pa nga mauntat ang pinatyanay sa tunga sang 2 ka tribo kag gin-awhag ang mga ini nga dal-on sa legal nga proseso ang pag-angkon snag hustisya kag ini sa pinatyanay.
Nahibaluan nga mainit nga problema sa Tampakan ang iligal nga pagmina nga gina-tunaan sang krimen sa nasambit nga banwa.
