KORONADAL CITY- Nagbubo ang bulig para sa isa ka traysikel driver nga amay makaligad nga magviral ang istorya sini pinaagi sa Bombo Radyo Koronadal.
Nahibaluan nga ang driver nga si alyas Nonoy ang nagpamasahero sa syudad sang Koronadal kaupod ang 9 ka bulan sini nga lapsag makaligad sila nga ibilin sangg iya misis makaligad nga mag-upod sa iya nga ka-textmate.
Sa pakig-istorya sa iya ni Bombo Bing Endaya , Asst. Station Manager sang Bombo Radyo Koronadal makit-an sa itsura sini ang kabudlay, kasubo samtang kaupod ang lapsag sini sa ila pagpamasahero sa mainit nga dalanon.
Suno kay Nonoy, naluoy ini sa iya nga lapsag bangud naga-agwanta man ini nga magbugtaw sang temprano halin alas 5 sang kaagahon kag alas 9 sang gab-i naman nagapauli agud may pangbakal lang sang gatas kag pagkaon sa kada adlaw.
Nahibaluan nga mabudlay man ang sitwasyon sa pagpamasahero sini bangud kolorum ang dala sini nga traysikel.
Samtang makaligad mag viral sa Bombo Radyo ang istorya ni alyas Nonoy may nagtanyag na sa iya ngag hatagan siya sang traysikel nga may kumpleto nga dokumento agud indi mabudlayan sa iya pagpamasahero kag iban pa nga bulig para sa iya nga lapsag.
