KORONADAL CITY- Nagapadayon pa ang imbestigasyon sang Koronadal City PNP sa nagluntad nga pagpangluthang-patay sa isa ka traysikel driver sa Brgy. Caloocan, siyudad sang Koronadal.
Sa interbyu sang Bombo Radyo Koronadal kay Brgy. Caloocan Punong Brgy. Eric Domingo, ginkilala ang biktima kay Benedicto Billones, 41-anyos kag residente sang nasambit nga lugar.
Samtang, kaangot sini, pila sa mga residente ang nakabati sang 3 ka asod-asod nga lupok alas-11 sang gab-i apang wala nila ginalauman nga armas luthang ang naglupok bangud mahinay lamang ang ila nabatian.
Pagka-aga na lamang nasapwan sang isa ka residente ang biktima nga patay na sa kahilamunan, kag madamo sang igo sang bala.
Sa subong, ginahibalo pa ang motibo sang nasambit nga krimen.
Lubos naman ang kasubo sang pamilya sang biktima kag nagahandum sang hustisya para diri.
