KORONADAL CITY- Arestado ang mag-amay makaligad nga ginhana nga holdapon ang isa ka traysikel driver sa bahin sang Brgy. Sto. Niño South Cotabato.
Base panaysayun sang biktima nga si Orlando Ramos 55 anyos kag isa ka traysikel driver, ginpara suno pa ini sang 2 ka suspek nga mag-amay nga sanday Sandro Areola kag bata sini nga si Steven Areola padulong sa puluy-an suno pa nila sa nasambit nga brgy.
Gindul-ong niya suno pa ang mga suspek apang pag abot mismo sa nasambit nag lugar nagdeklarar ang mga ini sang holdap.
Armado man ang 2 ka suspek sang isa ka cal. 22 nga armas luthang kag botilya nga panglampos kun tani sa biktima.
Wala suno pa nagpakulba ang biktima kun sa diin nakapanginlaman ini kag ginkarate ang mga suspek kun sa diin naglab-ot pa sa punto nga nag agawanay sila sang armas luthang.
Maayo nalang kag iya ini nga nahingagaw kag naagaw ang armas kun sa diin natapna ang 2 ka suspek.
Gilayon ang mga ini nagdalagan pasulod sa ila puluy-an kun sa diin didto na ang mga ini na-identify kag naarestar.
Base suno pa sa mga suspek nakainom lamang sila rason nga nahimo ang krimen.
Sa subong yara na ang mga ini sa Koronadal City Lock up cell.
