Nakapreparar ang Trade Union Congress of the Philippines (TUCP) nga magabulig para sa paglunsar sang ‘unified response’ para mabuligan ang mga undocumented nga mga Pinoy sa US, kasabay sa pagpungko ni US Pres. Donald Trump.
Suno kay TUCP Vice President Luis Corral, nakaprepara ang grupo para magbulig sa Marcos administration agud makalunsar sang maayo kag madason nga plano para sa transition sang mga US-based Pinoy.
Ini para sa mga naga handom nga magtinir kag igapadayon ang ila nga American Dream, kag mangin sa mga naga handom man nga magbalik sa pungsod Pilipinas.
Suno pa kay Corral, halos tunga sa milyon nga mga undocumented Filipino ang nagaatubang sa potensiyal nga banta sang mass deportation sa US kag kinhanglan nga masubaybayan ang mga ini.
Gin rekomenda man sang TUCP ang pagpatindog sang isa ka inter-agency body para maisa ang pagpaningkamot sang kada ahensiya sang gobyerno kag mga civil society organization.
Mas mangin madasig suno pa kung may yara sulundan nga unified response para mabuligan ang tanan nga mga Pinoy sa US.
Sa nangin mensahe ni Trump sa iya inagurasyon, nagpahayag ini nga sa una nga adlaw sang iya pagpungko kay magaumpisa na ang pag-aresto, pag-detina, kag pagpadeport sa mga undocumented immigrants.
Suno sa Department of Migrant Workers (DMW), gina bulo-banta nga ara sa 370,000 undocumented Filipino immigrants ang yara US.
