Ginhingyo ni Atty. Israelito Torreon sa Department of Justice (DOJ) nga ibasura ang kaso nga obstruction of justice nga ginpasang-at batok sa iya sang Philippine National Police-Criminal Investigation and Detection Group (PNP-CIDG), angot sa ginpaninguhaan nga pagdakop kay Pastor Apollo Quiboloy sang 2024.
Ginpahayag ni Torreon pinaagi sa iya ginsumiter nga counter-affidavit sang Enero 23 nga naghulagway lamang siya suno sa iya katungdanan bilang abogado sa tion sang operasyon sang kapulisan Agosto 24, 2024 sa compound sang Kingdom of Jesus Christ (KOJC) sa Davao City.
Ginpahayag man niya nga ang reklamo ginpasang-at lamang matapos gin-dismiss ang mga nauna nga kaso batok sa iya.
Kasamtangan nga yara si Quiboloy sa Pasig City Jail kag nagaatubang sang separado nga mga kaso angot sa ginahingadlan nga human trafficking kag child abuse batok sa iya.
