TOP-10 Most Wanted Regional Person, Arestado sang mga Awtoridad sa Aleosan, Cotabato

Arestado ang isa ka Top-10 Most Wanted Regional Person (MWRP) sa ginlunsyar nga Support to Law Enforcement Operation (SLEO) sang 34th Infantry (Reliable) Battalion kaupod ang Aleosan Municipal Police Station kag iban pa nga security forces sa Brgy. Pagangan, Aleosan, Cotabato sang Abril 24, 2025.

Ginkilala ni Lt. Col. Edgardo B. Batinay, Commanding Officer sang 34IB, ang suspek nga si Guenaid Malidas, may asawa kag residente sang nasambit nga barangay. Ang operasyon ginpatuman banda alas-5:40 sang aga sa bisa sang Warrant of Arrest No. 21-336 nga inisyu sang lokal nga korte.

Nakuha sa suspek ang isa ka caliber .45 pistol (Armscor 456), isa ka steel magazine, pito ka bala, isa ka holster, kag isa ka sling bag.