Toothbrush, narekober halin sa tinae sang preso sa China

Tigayon nga nakuha halin sa tinae sang isa ka preso ang isa ka toothbrush nga iya gintulon 20 ka tuig na ang nakaligad.

Antes sini, ginpakigbahin ni alyas Li nga nagpadulong siya sa doktor makaligad nagareklamo sang pagpanakit sang tiyan kag ginpaidalom naamn sa CT scan sa bahin sang Shenzhen, China.

Gani tuman ang kakibot sang mga doktor sang nakit-an nila ang nasambit nga butang nga yara sa iya bile duct.

Sa ila pagpamangkot, didto ginbuyagyag sang 51 anyos nga convict nga gintulon niya ang nasambit nga toothbrush sa hana kuntani nga maghikog duha ka dekada na ang nakaligad.

Sa ginpatigayon nga operasyon, halos indi na makilal-an ang nasambit nga toothbrush kag wala na ang pila ka parte sini.