KORONADAL CITY– Ginapangita na sa karon sang Tampakan PNP ang isa ka tiyo na aksidente nga naluthangan ang ang iya hinablos sa banwa sang Tampakan, South Cotabato.
Suno sa mga otoridad, nagluntad ang insidente sa nabukid nga bahin sang Sitio Alyong, Brgy. Danlag, Tampakan, South Cotabato samtang nagapatigayon sang animal hunting sanday Lenza Dialang Dayanton, 25 anyos, may asawa kag residente sang nasambit nga lugar, tiyo nga si Ciano Dialang Dayanton kag ang duha pa nga kaupdanan nga unidentified.
Base sa salaysayon sang mga kaupdanan, nagseparar suno pa sila nga apat sa kakahuyan agud magpangita sang baboy talunon kun sa diin pila ka minutos pa ang nakaligad samtang nagapanilag si Ciano sa palibot, may naghulag sa kahilamunan rason nga ginluthang niya ini.
Tuman naman ang kakibot sini sang matukiban nga ang hinablos gali sini nga si Lenza ang naigo sa tiyan kag napuno na sang dugo.
Gilayon nga naghingyo sang bulig ang kaupdanan nila kag gilayon nga gindangat sa South Cotabato Provincial Hospital si Lenza samtang nagpalagyo naman si Ciano makaligad maluthang ang hinablos.
Sa karun nagapadayon pa ang paglagas sa suspek makaligad ang nasambit nga insidente.
