KORONADAL CITY- Nakapreso na sa karun sa Banga, Municipal Police Station ang isa ka soltero makaligad ginlugos ang kaugalingon nga tiya sa Brgy. Cabudian, Banga, South Cotabato.
Sa ekskusibo nga interbyu sang Bombo Radyo Koronadal kay Police Major Joseph Forro, hepe sang Banga PNP, ginkilala ang suspek nga si John Mark Balado, 22 anyos, single kag isa ka laborer nga nagapuyo sa Prk. Malipayon. Brgy. Cabudian, Banga, South Cotabato.
Sa imbestigasyon sang Banga PNP, bag-o nagluntad ang krimen, nag-inaway suno pa ang suspek kag ang tiya sini nga si Alyas Elvie, 57 anyos bangud lamang sa sud-an nga nagresulta sa paglugos sini sa iya nga tiya.
Makaligad ang krimen, ginhana pa nga magpanago sang suspek apang nareport gilayon ini sa Banga PNP kag gilayon nga nadakpan ang suspek sa bulig sang mga BPATS.
Dugang pa sini nga wala man sang indikasyon nga hubog ang suspek sang ginhimo ang krimen kag yara sa normal nga huna-huna.
Dipensa sang suspek ginkuga lamang sini an tiya kag wala suno pa ginlugos.
Sa karon nagapangatubang sa kaso nga rape ang suspek.
