KORONADAL CITY- Ginaimbestigaran na sa karun sang Koronadal City PNP ang kabangdanan sang kamatayon sang isa ka tindero sa sulod sang Koronadal City Public Market.
Sa impormasyon nga ginpalab-ot sa Bombo Radyo Koronadal ang nasambit nga tindero nga si Ramcey Monaski, 25 anyos nag nagatrabaho sa tindhan nga ginapanag-iyahan ni Marianisa Basa.
Base sa imbestigasyon, nakabaton sang report ang CSU sang Koronadal City Public Market nga may nasapwan suno pa nga lalaki nga wala na sang kabuhi sa sulod sang palengke kun sa diin sa pagresponder sang mga ini, naabtan na lang si Monaski nga nakahigot ang liog sa electrical wire sa sulod sang tindahan kag wala na sang kabuhi.
Gilayon naman ini nga gindangat sa balay bululngan apang wala na nahingagaw.
Ginalantaw naman sa motibo sang paghikog sini amuh ang problema sa paghigugma kag kapigaduhon.
