KORONADAL CITY – Time management ang nangin susi sang Top 8 sa Licensure Examination For Teacher -Secondary Level sa bag-o lang takop nga 2021 Licensure Examination for Teachers.
Sa eksklusibo nga interview sang Bombo Radyo Koronadal kay Ms. Renezel Joy Mendio Patriarca, isa sa makabig nga sekreto sang iya nga kadalag-an ang husto nga pag usar sang tion sa pagtuon.
Si Patriarca ang Top 8 sa Licensure Examination For Teacher -Seconday Level nga nag gradwar sa kurso nga BSED major in BIOLOGY sa MSU-Gensan nga tumandok sang Barangay Liberty ,Tampakan South Cotabato.
Dugang pa sini, daw halos nga indi pa siya makapati sa ginhatag sang mahal nga makaako sa iya nga kadalag-an.
Kadungan sini, nagpasalamat man ini sa mga ginikanan niya kag mga kauturan subong man mga abyan sa pagbulig sa iya nga pagtuuon kag sa kadalag-an nga iya ginatamasa sa subong nga tion.
Magluwas sa iya nga pamilya, nangin inspirasyon naman ni Renezel Joy ng iya nga anay science teacher nga nakitaan niya sang ideya kun paanu mangin isa ka successful nga professional.
