Nagpadulong ang tiglikom sang Department of Agriculture (DA) sa Japan para hisgotan ang problema sa paghina sang market sang saging nga gina-export sang Pilipinas.
Sang 2012, ang Pilipinas nagasuplay sang 90% sang banana market sa Japan, apang nagnubo ini sa 75% sang 2024.
Nakig-istorya si Agriculture Secretary Francisco Tiu Laurel Jr. kay Japanese State Minister Hirofumi Takinami parte sa Philippines-Japan Economic Partnership Agreement (PJEPA), kag naghangyo sang pagbuhin sang taripa para mapalambu ang banana production.
Nagpasugot man ang Pilipinas nga gamiton ang bilateral review sa PJEPA kaysa regional approach.
Nagkita man si Laurel sa mga Japanese banana importers kag Philippine exporters para maghisgot sa sitwasyon.
Ang Mindanao ang may kadam-an nga saging plantasyon, nga nagahatag sang masobra $1 billion sa export revenues kag nagapadayon sang trabaho para sa 700,000 ka mga Pilipino.
