Nagpakasal sa ikatatlo nga tion ang Thai superstars nga sanday Nadech Kugimiya kag Urassaya “Yaya” Sperbund sa isa ka grandyoso nga wedding reception nga ginhiwat sa Dusit Thani Hotel sa Pathumwan, Bangkok, Thailand.
Nagpakasal ang mag-asawa sa una nga tion pinaagi sa tradisyonal nga seremonya sa Khon Kaen, Thailand sang Abril 17, 2026 nga may temang “Isan” bilang pagpasidungog sa kultura sang Thailand.
Sunod sini, nagpatigayon sila sang ikaduha nga kasal sa Oslo, Norway sang Mayo 22, 2026 bilang pagpasidungog sa Norwegian nga ginhalinan sang amay ni Yaya.
Espesyal ang ila ikatatlo nga kasal bangud nakatambong na ang adoptive Japanese father ni Nadech nga si Yoshio Kugimiya, nga wala nakatambong sa una kag ikaduha nila nga kasal bangud sang iya kondisyon sa lawas.
Nagpakigbahin man ang adoptive mother ni Nadech nga si Sudarat “Kaew” Kugimiya sang mga laragway kag video sang okasyon, kag ginpahayag ang iya kalipay nga nagkompleto ang ila pamilya sa importante nga adlaw sang mag-asawa.
Nagsugod ang relasyon nina Nadech kag Yaya sang 2010, kag matapos ang malawig nga paghulat, opisyal na nila nga ginselebrar ang ila paghigugma pinaagi sa tatlo ka kasal sa nagkalain-lain nga lugar nga may espesyal nga kahulugan sa ila pamilya.
