Tensyon sa Middle East, posible nga magtuga sa pagsaka sang gatong kag inflation sa Pilipinas

Posible nga magdala sang temporaryo kag indi mabug-at nga epekto sa ekonomiya sang Pilipinas ang nagalala nga tensyon sa Middle East.

Pinakaapektado ang pagsaka sang gatong bangud ang Pilipinas isa ka net oil importer.

Kun magsaka ang krudo tubtob 80 dolyar kada baril, mahimo ini magdugang sa inflation kag maglapit ini sa 4 porsyento.

Posible man maapektaran ang piso kag ang trabaho sang mga overseas Filipino workers sa rehiyon.

Samtang ang mas mahal nga lgatong magadugang sang gastos sang mga micro, small and medium enterprises kag exporters.

Sa karon, padayon nga ginabantayan sang gobyerno ang sitwasyon sa kinagamo sa Middle East.