Tboli tribe 12 beses na nga donor sa Dugong Bombo, gin-upod na ang pamilya sa blood donation

KORONADAL CITY- Malipayon nga ginpakigbahin sang isa ka B’laan tribe sa Bombo Radyo ang iya nga kalipay nga mangin isa naman ka successful blood donor sa ika-12 na kabeses sa nagtakop nga Dugong Bombo 2017.

Ginkilala ang katutubo nga si Rene Buenaflor, 46 anyos kag residente sang Barangay Sinulon, T’Boli South Cotabato.

Suno kay Rene, kada tuig ini nga nagapakuha sang dugo sa Dugong Bombo kun diin gin-upod na ini ang iya nga pamilya agud nga mangin blood donors sila sa kada tuig agud makabulig.

Dugang pa ni Buenaflor, madamo na sila sang natipon nga red cross card apang ginahatag nila sa mga tawo nga nagapalapit sa ila kun may nagakinahanglan sang dugo.

Samtang, ginpahayag sini nga mas nabatyagan niya nga aktibo ini humalin sang nagdonar sang dugo sa tuigan nga Dugong Bombo.

Nahibaluan nga magluwas sa iya, nangin blood donor man ang isa niya ka bata kag ginpahayag nga nangin inspirasyon niya ang iya amay sa pagbulig sa isigkapareho.