Masami naton mabatian sa iban ang halambalon nga “Happy wife, happy life”.
Pero ano nalang ayhan ang sitwasyon sang isa ka lalaki nga tattoo artist sa Thailand kun sa diin walo ka mga asawa ang iya kinahanglan pahalipayon?
Nagahingalan ang amo nga lalaki sa kay Ong Dam Sorot, isa ka Thai tattoo artist, kag upod sini nga nagapangabuhi ang iya walo ka mga asawa kag ululupod pa sila sa isa ka bubong.
Suno sa walo ka asawa ni Sorot, masadya sila nga siyam nga nagabonding kag masiling nila nga ang ila bana ang tuman ka buot kag pinakamapinalanggaon nga lalaki nga ila nakilala.
Sa ila featured story sini sa isa ka website, nahibaluan nga nakilala ni Sorot ang iya pinaka-una nga asawa sa kasal sang iya barkada, sa merkado ang ika-duha, sa ospital ang ika-tatlo, sa social media ang ika-apat tubtob ika-anum, sa templo ang ika-pito, kag ang ika-walo naman sang ini ang nagabakasyon.
Ginpahayag naman sang lalaki nga ginpasugtan ini sang iya nauna nga asawa nga pakaslan ang iban pa sini nga babayi, kag sa karun nagabusong na ang duha niya ka asawa, kag may bata na man ini sa iya pinaka-una nga asawa.
Daw kabudlay panumdumon indi bala ? Paano ayhan mahimo sang isa ka lalalki nga magpakasal sa 8 ka babayi kag daw kaangay wala lang sa ila? Ano sa panumduman mo
