Ginbuno ang isa ka tattoo artist nga taga General Santos City diri sa Siyudad sang Koronadal, Pebrero 4, 2025 pasado alas 7:45 sang gab-i.
Ginkilala sang kapulisan ang biktima nga si alyas “Rami” 24, anyos, single, tattoo artist kag residente sang General Santos City samtang ang suspek naman si alyas ” John” 34 anyos, tricycle driver kag residente sang General Santos City.
Suno sa imbestigasyon samtang naga tattoo session si Rami kay alyas “Anne” diri sa bahin sang siyudad sang Koronadal bigla nga nag abot ang ex-partner ni Anne nga si alyas “John” kag hinali nga nagbunot ini sang kutsilyo kag gin buno ang tattoo artist sa parehos ka kilid sini pati man sa liog.
Madason man nga nag tigayon sang hot pursuit operation ang Koronadal CPS para sa pag apprehend sa suspek apang, boluntaryo man nga gin sungka sang suspek ang iya kaugalingon sa opisina sang Koronadal CPS.
Nagapadayon naman nga nagapaayo sa balay bululngan ang nasambit nga tattoo artist.
Sa karon, padayon pa ang imbestigasyon agud mahibal-an kung ano ang motibo kag yara na sa kustodiya ang nasambit nga suspek nga magapangatubang naman sang frustrated murder.
