KORONADAL CITY – Patay ang tatlo ka indibidwal sa nagluntad nga vehicular accident nga gininbolbar sang isa ka Toyota Hilux Cargo kag sang isa ka motor sa bahin sang Prk 3, Brgy. Crossing Rubber Tupi,South Cotabato.
Suno sa Tupi PNP tatlo ang nasambit nga napatay sa vehicular accident kung sa diin mga biktima ang sakay sang motor nga padul-ong sa Tupi, samtang ang Hilux naman ang padul-ong sa opposite direksyon kung sa diin palakat sa Koronadal ini ang nagin pahayag ni Psmgt Rea Gatinao Information officer sang Tupi PNP.
Suno kay Gatinao, nakadawat sila sang tawag nga may incidente nga nagluntad pasado 9:53pm sang kagab-ihon nga ila girespondihan apang dead on arrival na ang mga biktima sang gindala sa balay bulungan.
Ginkilala ang sakay sang motor amo sila Rezile Joy De Padua, 28-anyos, single, manunudlo sa SEAIT, residente sang Libertad, Poblacion, Surallah, South Cotabato, kag drayber sang motor; samtang ang mga angkas sini amo sila Jonaira T. Ambaco, 24-anyos, single, Criminology Student sa SEAIT, residente sang Kematu, Purok Sentro, T’boli, South Cotabato; kag Glykiel Jade Bico, manunudlo sa SEAIT, kag residente sang Barangay Zone IV, Koronadal City, samtang ang driver sang Hilux amo si Anthony Teloren, 53-anyos, may asawa, drayber sang tele company.
Suno sa imbestigasyon sang Tupi PNP, nagsulod sa piyak nga linya ang motor nga linya sang hilux sa opposite direksyon nga nagin kabangdandn sang aksidente.
Nagsungka man sa Tupi PNP ang driver sang Hilux kag sa karon padayon ang imbestigasyon sang kapulisan angot aksidente.
Nagpanawagan man si Gatinao nga maghalong sa dalanon kag indi mgamaneho ilabi na kung yara sa impluwesya sang makahulog nga ilimnon kag kung ano pa nga magin rason sa ika peligro sang imo kabuhi.
