Nagsungka ang tatlo ka miyembro sang Dawlah Islamiya kag Bangsamoro Islamic Freedom Fighters sa isa ka yunit sang Philippine Marines.
Boluntaryo sila nga nagpakig-angut, upod ang bulig sang mga local nga opisyal, sa Marine Battalion Landing Team-2 (MBLT-2) kag nagpahayag nga magbag-o sang kabuhi kag magsuporta sa mga peace projects sang militar.
Ang MBLT-2 may sakop nga mga lugar sa Barira, Matanog, Parang kag pila ka barangay sa Sultan Mastura kag Sultan Kudarat sa Maguindanao del Norte.
Ini yara sa idalom sang 6th Infantry Division.
Ginsungka sang tatlo ang duha ka 60mm mortars, isa ka B-40 rocket launcher, kag mga improvised explosive devices.
Suno sa ila, dugay na sila nga nagapanago sa kabukiran sang Barira agud malikawan ang operasyon sang MBLT-2.
Nagpasalamat sanday Brig. Gen. Romulo Quemado kag Maj. Gen. Donald Gumiran sa mga pumuluyo kag local officials sa ila bulig sa pagsungka sang mga rebelde.
