KORONADAL CITY- Kritikal ang kondisyon sang isa ka traffic enforcer matapos ini nga maaksidente sa dalanon sang Prk. Bayanihan, Brgy. Sto. Niño, Koronadal City pasado alas 8:00 kaina sang aga.
Ginkilala ang traffic enforcer nga si Elfred Sanchez, 24 anyos kag residente sang Brgy. Topland, Koronadal City.
Sa interbyu sang Bombo Radyo Koronadal kay SPO3 Arnel Falcis sang Koronadal Traffic Section, ginpahayag sini nga ang tatlo ang salakyan ang ginalakipan sang isa ka Toyota Fortuner, Isuzu Close Van kag ang Kawasaki Rouser nga ginamaneho sang nasambit nga traffic enforcer.
Suno pa kay Falcis,samtang ginamaneho ni Sanchez ang motorsiklo giansundan sini ang fortuner apang gulpi ini nga nag-untat bangud sa nakaparada nga tricycle nga rason sang paglikaw ni Sanchez rason nga nabungguan sini ang kasugata nga close van.
Bangud diri, nakaangkon sang serious injury ang traffic enforcer nga subong padayon nga ginabulong kag natalana nga dal-on sa General Santos City para sa dugang nga medikasyon.
