KORONADAL CITY – Madinalag-on nga ginsurrender sang 3 ka residente sang South Cotabato ang pila ka mga eksplusibo sa South Cotabato Police Provincial Office.
Ang una nga eksplosibo ang nakita sang isa ka papaya farmer nga nalubong sa duta sa bahin sang iya nga uma sa Barangay Kablon sa banwa sang Tupi,South Cotabato kun sa diin nakuha sang mga otoridad ang isa ka live 60 millimeter mortar round kag ang 2 ka mga eksplusibo ang ginsurrender naman sang mga taga -banwa sang Surallah South Cotabato.
Suno kay Kagawad Ronie Brasa sang Brgy Libertad Surallah South Cotabato, nakita sang 2 ka mga residente sang ila nga barangay ang isa ka rifle grenade kag isa man ka 40 MM grenade projectile kun sa diin nakita nga nakasulod sa isa ka cellophane kag nabutang sa higad sang dalan mga 20 kilometro ang kalayu-on sa sentro sang syudad sang Koronadal.
suno pa sa opisyal, may kapasid ad nga magsigabong pa ang nasambit nga mga eksplusibo kun matrigger kun makakadto sa mali nga mga kamot ukon ma mishandle.
Sa subong, Yara na sa kustudiya sang mga otoridad ang mga nasambit nga eksplusibo kag nangin mapinasalamaton man ang opisyal sa kooperasyon sang mga residente sa pag surrender sang mga eksplusibo sa mga otoridad.
