Tatlo ka mga Pilipino nga cardinal ang magatambong sa conclave para sa pagpili sang masunod nga Santo Papa.
Ini sanday Cardinal Luis Antonio Tagle, Cardinal Jose Advincula, kag Cardinal Pablo Virgilio David.
Isa ini ka maragtasan nga panghitabo para sa Pilipinas kay ini ang una nga higayon nga may tatlo ka cardinal nga Pinoy nga magapakigbahin sa conclave.
Sa isa ka laragway, nakita ang tatlo kaupod si Cardinal Orlando Quevedo sa Pontificio Collegio Filippino sa Roma matapos ang lubong ni Pope Francis.
Si Cardinal Quevedo indi na mahimo nga magpasakop sa botohan bangud masobra na 80 anyos ang iya nga edad.
Suno sa report, may ara sang 135 ka mga cardinal nga kwalipikado nga magboto sa palaabuton nga papal conclave nga pagahiwaton sa masunod nga mga inadlaw.
