KORONADAL CITY-Nagtuga sang kahadlok sa subong ang magkasunod nga pagsigabong sang granada sa checkpoint sang Task Force Pikit sa probinsya sang North Cotabato.
. Ini ang ginkumpermar ni PMaj. Maxim Peralta, hepe sang Pikit MPS.
Suno sa iya, 2 ka magkasunod nga pagsigabong ang napagkit sa checkpoint sa National Highway samtang naga bantay ang mga katapo sang otoridad kag maayo na lamang nga wala sang nagkalapilasan ukon napatay sa panghitabo.
Dalayon naman nga nagpatigayon ang EOD team para mahibaluan ang sahi sang granada kag ang sin-o man ang responsable sa pagpanabotahe.
Gin pa klaro naman ni Peralta nga indi pa matumod ang grupo nga may kahimuan sa amu nga panghilitabo. Naga padayon naman sa imbestigasyon ang mga otoridad tubtub sa subong.
