KORONADAL CITY – Nagdihon na sa karon sang Task Force Kontra Dengue ang Provincial Disaster Risk Reduction and Management Council sang South Cotabato agud nga matapna na ang nagasaka nga kaso sang dengue.
Ini makaligad man ang deklarasyon sang state of Calamity bangud sa dengue outbreak sa bug-os nga probinsya.
Sa esklusibo nga interbyu sang Bombo Radyo Koronadal kay PDRRMO Chief Rolly Aquino, ginlakipan ang nasambit nga task force sang PDRRMO, Integrated Provincial Health Office ukon IPHO, South Cotabato Provincial Hospital ukon SCPH, PIO, MDRRMOs sa nagkalain-lain nga banwa kag mangin man sang Rural Health Units.
Sa nasambit nga pagsinapol, gindiskusyunan ang mga tikang agud nga matapna ang dengue kag lakip na diri ang pagpurchase sang fogging ukon misting machines, pagbakal sang kemikals ukon solutions nga paga-usaron sa fogging/misting operations, pagpatigayon sang Oplan Kulob Program kag pagpatuman sang Massive Information Education Campaign humalin sa kabanwahanan padulong sa purok kag sitio, mangin man sa mga bulthuan kag simbahan sa bug-os nga probinsya.
Base sa pinakaulihi nga datos sadtong Hulyo 13, naglab-ot na sa masobra 3,000 ang napagkit nga kaso sang dengue kun sa diin 20 na ang napatay
