KORONADAL CITY-Gintawag ni Tampakan Mayor Leonardo Escobillo nga sobra na ang ginahimo sang mga otoridad makaligad ang ginpatigayon nga raid alas tres sang kaagahon kaina sa panimalay sini sa Barangay Maltana, Tampakan, South Cotabato.
Ini makaligad nga indi man lamang suno pa ginserbe ang search warrant sa iya sa baylo ginguba ang iya pwertahan nga pagpakita suno pa sang kawad-an sang respeto.
Gin ako sa Bombo Radyo sang alkalde nga may yara ini sang mga salakyan kag armas apang lesensyado ini kag wala sang kaangtanan sa droga.
Wala naman ini nagpasugot nga sudlon gilayon sang raiding team ang kwarto sini tubtub wala makumpleto sang mga otoridad ang iya hingyo nga dapat may kaupod nga media practitioners, Barangay Officials kag abogado sini sa kahadlok nga tamnan ini sang mga ebedensya.
Sa pihak nga bahin, desidido suno pa siya nga magsang-at sang reklamo sa raiding team bangud sa ginhimo nga pagguba sa pwertahan sini rason nga nagtuga sang dyutay nga tensyon.
