KORONADAL CITY- Nakatana na nga magapaidalom sa operasyon ang isa sa 4 ka mga biktima nga nagkalapilasan sa nagluntad nga pagpangluthang sa bahin sang Bukidnon sa diin gina-alegar nga ang mga suspek amu ang mga private armies sang alkalde sang banwa sang Quezon.
Sa interview sang Bombo Radyo Koronadal kay Mr. Nanie Abella,isa sa mga biktima, ginpahayag sini nga tubtub sa subong madumduman pa niya ang nagluntad nga pagpangluthang sang mga ginapatihan nga mga private armies ni Quezon, Bukidnon Mayor Pablo Lorenzo III. sa diin nagkalapilasan ang 4 sa ila sang direkta nga ginpusil ang mga ini.
Suno kay Abella, siya ang una nga naigo sa una nga lupok nga naghalin sa mga private armies sa diin nangin kabangdanan sang pagkapilas sini sa natou nga bahin sang abaga.
Siya ang naigo sang bulitas nga halin sa ginapatihan nga shotgut sang mga perpetrators kag tupad pagid sini si Presidential ber Ka Leody De Guzman.
Masuwerte naman nga wala siya napuruhan sang iya nga igo nga naangkon kag madasig nga gindangat sa pinakamalapit nga balay-bululngan sa Maramag , Bukidnon.
Nakig-angot man ini kahapon sa mga kapulisan sa Koronadal para nga magpabalhin sang balay-bululngan diri sa Koronadal.
Sa subong, naga preparar na ini sa pagpaidalom sa operasyon para makuha ang bulitas nga naglubong sa iya nga butkon sa isa ka pribado nga balay-bululngan sa Koronadal.
Nahibaluan man nga bag o pa man nakalab ot sa Bukidnon ang ila nga grupo, ginbisita man nila kaupod si Ka Leody ang siyudad sang Koronadal kung sa diin nag upod ini sa mga grupo sang mga Anti-Open Pit Mining nga nagpatigayon sang rally sa atubang sang Kapitolyo sang South Cotabato sang Lunes.
